Денеска, во просториите на работничкиот универзитет „Кузман Шапкарев“ ќе започнат предавањата во рамки на бесплатните курсеви по англиски, германски јазик и информатика, кои по претходно распишан конкурс Охридската локална самоуправа ги додели на 34 невработени лица и студенти од Охрид.
-Од бесплатните курсеви14 се по англиски 16 по германски јазик и 4 курсеви се по информатика. Износот за еден курс по англиски и германски јазик е 2.000 денари односно за 30-те курсеви по овие два странски јазика општината предвиде 60.000 денари. Износот за еден курс по информатика е 1.500 денари односно за 4-те курсеви се издвоени 6.000 денари. Ова значи дека од својот буџет општина Охрид за бесплатните курсеви по англиски, германски јазик и информатика издвоила 66.000 денари, информираат надлежните во општината.
На конкурсот за бесплатни курсеви можеа да се пријават невработени лица и студенти кои живеат во семејства со ниски месечни примања или се социјални случаи.
OhridNews
