Вечерва Централниот одбор на СДСМ одлучува за судбината на пратеничките мандати, по одлуката да не се признаат резултатите од двојните избори која на денот на гласањето ја соопшти лидерот на партијата Зоран Заев. На состоанокот се присутни партискиот врв, пратениците од минатиот состав, сегашните кандидати за пратеници, општинските партиски водачи, кандидатот за претседател на Македонија Стево Пендаровски, јавува „Телма“.

По излагањето на лидерот Зоран Заев, како што брифираат партиски извори, се развила и дискусија, во која дел од присутните на состанокот побарале оставка од претседателот на СДСМ.

Во дискусиите се разгледувале последните потези на партискиот врв, како и потезите влечени неколку месеци наназад. Централниот одбор треба да одлучи и за натамошното дејствување на партијата, пред конгресот на СДСМ кој е најавен за 11 мај.

OhridNews