Кинески истражувачи спровеле истражување кое покажало дека зависниците од интернет имаат одредени промени на мозокот, видливи на скенер, како промените кои ги имаат алкохоличарите.
Експертите од Кина го вршеле испитувањето на 35 мажи и жени на возраст од 14 до 21 година, а дури седумнаесет од нив покажале зависност од интернет.
Специјалистот за скенирање на мозоци ги прегледал снимките и заклучил дека мозоците на интернет зависниците имаат поинакви сенки во белата маса во која се наоѓаат нервите.
“Нашите наоди покажуваат дека кај зависниците од интернет белата маса е абнормална, како и региите задолжени за процесот на внимание, донесување одлуки и когнитивна контрола“, вели доктор Хао Леи, и додава дека слично се случува и кај алкохоличарите. Најмногу промени има кај зависниците од игри.
