Според извештајот јасни се проблемите со колекторскиот систем кој во најголем дел доаѓаат од мешањето на атмосферските во фекалните води како и од лошата состојба на цевките на добар дел од трасите. Исто така посочено е дека недовршениот дел како што е југоисточната траса ќе треба да се решава со посебни пречистителни станици.
Преставниците на јапонската мисија овој извештај ќе го поднесат пред Министерството за животна средина и Министерството за финансии на Република Македонија по што следува финалниот извештај со предлог проекти и зафати кои треба да се изведат.
Реално е да се очекува дека ќе се утврдат приоритетите и согласно тоа покрај јапонската влада ќе се бараат и други финансиски донатори за изведба на приоритетите.
– Како Министерство за животна средина и просторно планирање на РМ и МЈП Проаква инициравме, лобиравме, пишувавме,работевме на терен за да дојдеме до овој момент во кој е сосема јасно дека веќе е неопходна реконструкција на колекторскиот систем кој сведоци сме и деновиве се почесто крахира. По стручните верувам дека и политичките и финансиските преговори ќе бидат успешни по што ќе може да се започнат инфраструктурни активности.Процесите и активностите ќе бидат долготрајни,тоталната сепарација на пример би траела деценија,но едногласни сме дека ова е генерациска шанса да се осигура заштитата на Езерото а со тоа и иднината на Охрид и Струга – изјави Дејан Паноски од Билатералниот секретаријат за заштита на Охридското Езеро, при министерството за животна средина и просторно планирање.
