Во рамки на проектот „Отворените денови на земјоделството“, директорот на Агенцијата за поттикнување на развојот на земјоделството Игор Златков, оствари средба со земјоделски производители во општина Охрид.
Во населените места Лескоец, Косел и Долно Лакочереј, беа презентирани програмите за финансиска подршка во земјоделството, програмата за рурален развој, ИПАРД програмата и формирање на земјоделски задруги.
„Отворени денови на земјоделството се одржуваат се со цел земјоделците да постават свои прашања, да ги истакнат нивните проблеми или предлози и сугестии поврзани со земјоделството, да одговориме и да ги пренесеме во Владата.“ – рече Игор Златков
Најмногу земјоделците се интересираа за субвенците за 2014 година, за подигање на нови овошни насади, формирање на земјоделски задруги и за ИПАРД програмата.
Директорот Златков ги повика сите заинтересирани земјоделски производители да аплицираат по ИПАРД програмата за трите мерки и тоа: „Инвестиции во земјоделска механизација“, „Преработка и маркетинг на земјоделски производи“, како и „Развој на селски туризам.“
Инаку, проектот „Отворени денови на земјоделството“ започна да се спроведува во декември минатата година, а истиот ќе трае се до февруари оваа година.
OhridNews
