Во ретконаселениот пустински реон на централна Австралија, денеска е регистриран земјотрес со интензитет од 6,1 степени според Рихтеровата скала, го пренесуваат медиумите соопштението од Американскиот геофизички институт.
Епицентарот на потресот бил на 317 километри југозападно од градот Алис Спрингс, во реонот на уметничкиот центар Ернабела, каде живеат околу 500 Абориџини.
Како што информирале медиумите во Австралија, земјотресот, кој е најсилен регистриран во Австралија во последниве 15 години, траел околу 30 секунди.
OhridNews
