Во текот на месеците јуни и јули на аеродромите во Република Македонија е забележано зголемување на бројот на превезени патници, споредено истиот период минатата година, информираат од Министерството за транспорт и врски. Имено, во овие месеци од двата аеродрома во Република Македонија – аеродромот „Александар Велики“ во Скопје и аеродромот „Св. Апостол Павле“ во Охрид се превезени вкупно 200.516 патници, додека во истиот период минатата година биле превезени вкупно 189.019 патници што претставува пораст од 6.1 %.
Во текот на туристичката сезона, најзабележителен е порастот на бројот на патници кои полетале и слетале на аеродромот „Св. Апостол Павле“ во Охрид, каде во текот на јуни и јули оваа година се регистрирани 28.658 патници, што е за 16.5 % повеќе од 24.596 патници кои биле регистрирани во истиот период минатата година.
На аеродромот „Александар Велики“ во Скопје, во јуни и јули се регистрирани вкупно 171.858 патници што во однос на истиот месец минатата година, кога биле регистрирани 164.423 патници, претставува зголемување за 4.5 %, се наведува во информацијата од Министерството за транспорт и врски.
OhridNews
