Општинската изборна комисија денеска му го врачи уверението за градоначалник на Зијадин Села, со што тој официјално го започна 4-годишниот мандат. Села кој пред општинската зграда беше дочекан од симпатизери на ДПА, оствари средба со досегашниот градоначалник Размиз Мерко, кој му посака успех во вршење на функцијата.
Во првото обраќање до јавноста, Села најави дека ќе биде градоначалник на сите граѓани и посветено ќе работи на реализација на проектите кои ги вети во изборната кампања.
– Во мојот мандат ќе работам за доброто на сите граѓани без оглед на нивната припадност. Благодарам на довербата и се надевам дека после 4 години во Струга ќе има една поинаква слика.-рече Села.
Кандидатот на ДПА, Зијадин Села, победи на локалните избори во Струга, кои завршија во неделата со прегласување на вториот круг.
OhridNews
