Сообраќајот на сите магистрални патишта во Република Македонија се одвива по влажни коловози и остатоци од кашест снег на повисоките места. Според информациите на АМСМ, снег има во Страцин, Крива Паланка, на граничниот премин Деве Баир, Маврово, Стража, Буково, Ѓавато, Пресека, Плетвар, Делчево и во Кула. Забрана за сообраќај за тешки товарни возила има на патниот правец Крива Паланка–граничен премин Деве Баир.

Поради појава на магла, намалена видливост од 50 до 60 метри има на планинскиот премин Плетвар и до 100 метри на планинскиот премин Пресека.

АМСМ препорачува внимателно возење, приспособена брзина на движење и почитување на поставената сообраќајна сигнализација. Посебно внимание е потребно на делниците што минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде што е можна почеста појава на одрони.

OhridNews