Злато и сребро за охридскиот градски хор „Vox Lychnidos“ на Меѓународниот фестивал во Кикинда

Градскиот хор „Vox Lychnidos“ – Охрид постигна исклучителен успех на првото издание на Меѓународниот хорски фестивал „Мелодианум“ – Кикинда, Србија, што поради актуелната здравствена состојба се одржа онлајн од 11 до 13 декември.

На фестивалот учествуваа 42 хора, а хорот „Vox Lychnidos“ се претстави во две категории.

Во категоријата Мешани камерни хорови до 28 хористи, „Vox Lychnidos“ изведе три композиции: „Stabat Mater“ – Z. Kodaly; „Боса Роса“ – Г. Гавриловски и„Only You“ – Yazoo, arr. Voces8, за кои освои 95 бодови и златен медал.

Во категоријата „Духовна музика“ хорот „Vox Lychnidos“ ги изведе делата: „Agni Parthene“ – St. Nectarius, „Bogoróditse Djévo“ – Arvo Pärt“ и „Tebe Pojem“ – од С. Мокрањац, и беше награден со 88 бода од стручното жири, односно второ место и освоен сребрен медал.

OhridNews