„Медиа принт Македонија“ преку соопштение за јавност им се извини на читателите на дневните весници „Дневник“ и „Вест“ за ненамерниот пропуст направен во денешните изданија на овие весници во кои беше објавен тажен помен „По повод 25 години од смртта на Рудолф Хес“. Поменот како што објаснува медиумската грушација бил објавен од приватно лице во рубриките „Мали огласи и тажни помени“.
Од компанијата посочуват дека се работи за груба злоупотреба на огласниот простор на весниците кои таквиот чин најостро го осудуваат.
– Во делот „Мали огласи и тажни помени“ нема удел уредувачката политика на дневните весници ниту, пак, има удел „Медиа принт Македонија“ како компанија. Тоа е закупен простор од приватни огласувачи. Токму затоа, многу е тешко да се има целосна контрола врз платените огласи и нивната содржина, но секако дека од наша страна се вложуваат максимални напори да не се објавуваат огласи со недолични и навредливи содржини по национална, верска, полова и каква било друга основа за дискриминација, се вели во соопштението на МПМ.
Компанијата покренала внатрешна истрага за инцидентот, а случајот е пријавен и во полиција.
OhridNews
