Поранешниот владин портпарол и поранешен портпарол на претседателот на Македонија, Зоран Иванов, упати иницијатива до Здружението на новинарите на Македонија(ЗНМ) за спроведување лустрација за сите новинари во земјата, пренесува „Макфакс“.
„Во името на новинарството, да им се затвори устата и да им се оневозможи натамошна злоупотреба на медиумите и манипулација со јавноста на некои ’новинари патриоти’ за кои во новинарската јавност се тврди дека не само што ’биле или сега се соработници на тајните и на другите полициски служби’, туку во најбуквална смисла на зборот, за ситни материјални, партиски или кариеристички привилегии, биле или се ’полициски кодоши’ и ’цинкароши’ од најдолен вид“, се вели во иницијативата на Иванов.
Според него, единствена цел е ова еснавско здружение на јавноста да и го покаже прочистениот македонски новинарски образ.
„Крајно време на некои новинарски персони и персонки да им се оневозможи токму тие и таквите и натаму да фрлаат прав во очите на јавноста на темата ’лустрација’. Да ги замолчи токму тие на кои, кога ќе проговорат на темата ’кодошлок’, постојано им се цеди путер од шапките под кои се задскриваат“, се вели во иницијативата на Иванов.
OhridNews
извор: „Макфакс“
