Зоран Нечовски добитник на „Пежо 208“ во големата наградна игра на „Охрид мол“

Дедо мраз со охридското семејство Нечовски оваа година подрани и им донесе неочекуван подарок и голема среќа. Имено, Зоран Нечовски беше извлечен за добитник на главната награда – автомобил „Пежо 208“, што ја додели „Охрид мол“ на јавен настан што се одржа денеска.

Изненаден сум. Испратив неколку сметки од пазарување во „Охрид мол“. Како и секој посакував да ја добијам наградата, но не очекував дека токму јас ќе бидам извлечлен, изјави возбуден на врачувањето на клучевите од „Пежо 208“, добитникот Нечовски.

Тој ја „подигна“ наградата заедно со среќното семејство кое денеска има повод повеќе да слави.

Во „Охрид мол“ и денеска беше раздвижено. Посетителите имаа можност да ја погледнат изложбата „Приказ на животот преку виносто“ од Данче Наумоска и да уживаат во квалитетни вина и дестилати од нашето поднебје кои беа изложени во рамки на есенската винска приказна во „Охрид мол“.