ЈП Охридски Комуналец ги информира граѓаните дека на локацијата каде што претходно беа поставени подземните контејнери, во тек е подготовка за изградба на објект – „Зелена соба“, во кој ќе бидат поставени контејнери за селекција на отпадот, како и контејнери за комунален отпад.
Во моментов, на локацијата има ископ со поголема длабочина во кој е насобрана вода. Просторот е соодветно обележан и обезбеден со жолти предупредувачки ленти со натпис „Внимание – градежни работи“. Апелираме до граѓаните да ги почитуваат поставените предупредувања, да не ги преминуваат заштитните ленти и да не се приближуваат до ископот, особено да не дозволуваат деца да пристапуваат до овој простор, посочуваат од претпријатието.
Активностите, додаваат, се дел од заложбите за унапредување на комуналната инфраструктура и создавање подобри услови за селекција и правилно одлагање на отпадот во Општина Охрид.
OhridNews
