На овогодишниот седми по ред Јахорина Економски форум кој се одржува од 14-16.05.2024 година под наслов “Западниот Балкан – долгорочни правци за неговиот развој“ Д-р Љупчо Јаневски зема учество на панелот „Развојот на туристичката дестинација и менаџмент во туризмот“ каде модератор е Марко Радиќ од Туристичката организација на Република Српска, заедно со министерот на Сојузното Министерство за животна средина и туризам на БИХ г-ѓа Насиха Поздер, министерот за трговија и туризам на Република Српска, Денис Шулиќ, директорот на Аграрниот фонд на град Требиње Веселин Дутина, и Марија Миладиновиќ Пешиќ, основач на Консултантска агенција за хотелски менаџмент „Key Hospitality“.
Туризмот во 2023 година во земјите од регионот ги надминаа резултатите во Европа споредбено со 2019 година и преставува една од ретките економски гранки на државно ниво кои имаат раст во земјите од Западниот Балкан и крајно време е да се третираа како една туристичка дестинација која брои повеќе од 18 милиони луѓе. Секоја земја во туризмот се базира на 40 до 50% регионални гости и потребно е патувањата помеѓу себе да бидат побрзи и уште подобро инфраструктурно поврзани со авионски линиии и директни автобуски линии. Потребно е да изградиме јаки регионални туроператори и реархитектуираме туристичката индустрија доволно прилагодлива на новата туристичка реалност и барања на туристите. Време е туризмот да го заземе своето заслужено место во економиите на западниот Балкан!, истакна Јаневски на панелот.
Преку динамични и висококвалитетни дискусии и интеракција помеѓу јавниот и приватниот сектор Форумот донесе заклучоци кои се од суштинско значење за носителите на одлуки.
Овие заклучоци не само што даваат увид во моменталната состојба на регионалната економска клима, туку даваат и клучни насоки за подобрување на политиките кои дополнително ќе ја обликуваат иднината на регионалните економии. Присуството на форумот е повеќе од 600 учесници од 15 земји што дополнително со сите присутни чинители градат мостови помеѓу теоријата и практиката, препораките и заложбите од процесот на пристапување во ЕУ, се создаваат иновативни решенија кои ја обликуваат одржлива економската иднина. Форумот допридонесува за важен дијалог кој има далекусежно влијание врз заедничка економска перспектива и зачењето за идните правци на економиите и соработката на земјите од Балканот и овој дел на Европа, велат од Сојузот на Стопански комори на Македонија.
OhridNews
