Полни 10 години Стоматолошкиот центар „Д-р Баткоски“ и аптеки „Виа Фарм“ успешно соработуваат и се вистински пример за деловност, професионализам и општествена одговороност.
Стоматолошкиот центар „Д-р Баткоски“ постои од 2003. На 28 јануари 2012 година, пак, започна да се гради заедничката приказна со „Виа Фарм“ аптеки, која е препознатлива надалеку.
Високо обучен стручен кадар, најсовремена опрема и новите стилски и модерно уредени простории, го прават стоматолошкиот центар „Д-р Баткоски“ поинаков од другите. Центарот е сертифициран и лиценциран за импланти и може да се пофали со соработката со Дитрон Интернационал. Има специјална современа орално хируршка и имплантолошка сала која ги задоволува светските стандарди за ергономичност, функционалност и стерилност и соодветен кадар кој е обучен за работа со Дитрон импланти. Стоматолошкиот центар „Д-р Баткоски“ и натаму е лидер во развојот на денталниот туризам, не само во регионот, туку и во земјата воопшто.
Аптеки „Виа Фарм“, пак, се водечки бренд во Охридско-струшкиот регион во областа на фармацијата. Компанијата ги следи современите текови, па така неодамна од печат излезе 22 број специјализираниот магазин за здравје и современ живот „Наше здравје“, што аптеки „Виа Фарм“ го издава во соработка со стоматолошкиот центар „Д-р Баткоски“. Ланецот аптеки „Виа Фарм“ во текот на минатата година се прошири и е побогат за уште две нови аптеки во Струга, Виа Фарм 1 во Дуа Мол трговскиот центар и Виа Фарм 14 на ул. Маркс Енгелс. Новост е и виртуелната аптека до која може да се пристапи онлајн и да се нарачате посакуваниот производ.
Менаџментот на Стоматолошкиот центар „Д-р Баткоски“ и „Виа Фарм“ аптеки, во јубилејната година на успешна соработка, најавуваат нови заеднички проекти и многу активности, во функција на подобро здравје на клиентите и воопшто на граѓаните од регионот.
OhridNews
