Над 11 илјади повеќедетни, згрижувачки и семејства со самохрани родители преку центрите за социјална работа ќе добијат пакети со облека, информира на вчерашната прес-конференција министерот за труд и социјална политика Спиро Ристовски.
„Министерството за труд и социјална политика, по повод „Меѓународниот ден на семејството“ започнувајќи од денеска во текот на овој месец преку центрите за социјална работа ќе дистрибуира пакети со облека до 11.325 повеќедетни семејства, згрижувачки семејства, како и семејства со самохрани родители, кои се донација на Mezitli Social Welfare Solidarity Endowent од Мерсин, Турција.“ – рече Ристовски.
Тој додаде дека за оваа цел ќе биде искористена и текстилната роба и обувките кои Царинската управа, односно Агенцијата за управување со одземен имот.
„Како Министерство за труд и социјална продолжуваме да работиме на унапредување на политиките во насока на давање секаков вид поддршка на семејствата кои што имаат потреба од нас, имајќи предвид дека државата секогаш била репрезентативен заштитник на семејството.“ – додаде Ристовски.
OhridNews
