Лидерот во играта и капитен на фудбалскиот второлигаш 11 Октомври, Дејан Кулески, е неизвесен за неделниот дерби натпревар против Охрид, откако се здоби со потрес на мозокот на пријателскиот натпревар во Новаци, кој го добија прилепчаните со 0-2.

Во тимот на Николче Здравески има конкуренција и алтернативи за секое место. Во средниот ред кандидати се Пројков, Петрески, Ацески, Дунимаглоски, И. Мирчески…

– Располагаме со квантитет и со квалитет. Стручниот штаб ќе најде решение до недела, кога со поддршка од три-четири илјади навивачи одиме на трите бода против солидниот ривал – истакнува претседателот на клубот Иваноски.

OhridNews