Продолжува обуката на доктори од секундарното и терциерното здравство во реномирани центри во странство. Четиринаесет специјалисти и четири медицински сестри од земјава, утре заминуваат на доедукација во повеќе реномирани медицински установи во Турција, Бугарија, Словенија и Шпанија. Целта на обуките, како што информираат од Министерството за здравство, е подобрување на квалитетот на здравствени услуги во Македонија.
Докторите ќе се специјализираат во областите на рана дијагностика на малигни хематолошки заболувања, интензивна нега и интервентна кардиологија на артроскопија на колено, примена на магнетна резонанца, рано отркивање на карцином на дојката кај жената, водење пациенти по трансплантација на црн дроб, ендопротетика – за колена и колк, лапараскопска урологија, како и ендоскопски хируршки интервенции.
Досега, вкупно 40 лекари од државава, заминати се на стручна доедукација во реномирани центри во странство.
