Дипломираните охриѓани мака мачат со наоѓањето работа. Бројот на вискостручни невработени кадри на охридското подрајче, од месец на месец се повеќе се зголемува. Во евиденцијата на невработени покрај 982 лица со завршен факултет и 351 невреботен со виша школа, за вработување чекаат и 19 магистри на науки.
Најголем дел од магистрите или 4 од нив, се од областа на економските науки. По правни науки се евидентирани двајца магистри, а исто толку има и по ликовна уметност и филозофија. По историски науки, археологија, дефектологија, психологија, осигурување, меѓународна политика, политички науки и европски студии за комуникација има по еден невработен магистер.
Од Агенцијата за вработување во Охрид велат дека во иднина очекуваат зголемување на бројот на магистри кои ќе бараат вработување.
-Причината за ова предвидување се должи на фактот што поголем дел од факултетите се со реформирано Високото образование и студиите ги организираат 3+2 години, од кои вторите најчесто се водат како постдипломски. Исто така зголемувањето на бројот на магистри ќе биде и резултат на многубројните приватни факултети кои нудат голем избор на современи студиски програми.-вели Марина Трајановска, од Агенцијата за вработување во Охрид.
