Европската комисија го пренесе на Македонија правото на управување со средствата од претпристапните европски фондови наменети за рурален развој. Одлуката, била донесена на 18-ти декември во Брисел, а со средствата ќе управува Телото за ИПАРД при Министерството за земјоделство, шумарство и водостопанство и Агенцијата за финансиска поддршка во земјоделството и руралниот развој.
Како што е најавено, првиот јавен повик за користење на европските претпристапни средства за рурален развој ќе биде објавен на 23 декември, а првите договори за користење на средства од ИПАРД фондовите се очекува да бидат потпишани во мај или јуни 2010 година.
На Македонија од европските претпристапни фондови за рурален развој на располагање ќе и бидат ставени 24.320.000 евра.
ohridnews
