267 кандидати за градоначалници и 350 советнички листи се поднесени до општинските изборни комисии. До вчера по полноќ, заврши и рокот за приговори за отфрлените листи од ОИК и нивната корекција.
Од Комисијата за верифицирање на факти, информираат дека кандидатите за градоначалници и советници кои за прв поднесуваат кандидатури ќе треба да минат низ лустрацискиот филтер, за да може да се утврди дали некои од нив имаат соработувано со тајните служби.
Како што пренесува „Вечер“, една третина од поднесените кандидатури за општински функционери и градоначалници, се кандидати кои и претходно биле носители на јавни функции, а нивните досиеја веќе поминале низ „лустрациска“. За сега, комисијата ќе го утврдува минатото на две третини од кандидатите, кои на 24-ти март за прв пат ќе ја бараат доверба од граѓаните.
Инаку, досиеата на сите кандидати ќе ги проверуваат Управата за безбедност и контраразузнавање, Државниот архив, Службата за разузнавање, како и Агенцијата за разузнавање, а Комисијата за лустрација треба да ја заврши проверката најдоцна до 22-ри овој месец.
OhridNews
