Локалната самоуправа упати апел за разбирање до граѓаните, особено до оние кои живеат во стариот дел на градот, во врска со бројните настани кои ќе се одржат во рамки на манифестацијата „ Бела ноќ.
– Во сабота, на 14-ти јули ќе има многу гости, а главниот дел од забавата ќе биде во самиот центар на градот. Сето тоа повлекува и соодветно озвучување и осветлување. Станува збор за една вечер и би сакале да направиме вистински спектакл, каков што градот навистина заслужува за вистински старт на главната туристичка сезона, велат од локалната самоуправа.
Додаваат дека Охрид е туристички град и би требало најискрено сите да помогнат, барем и со разбирање, градот да живее во еден здив и со насмевка и подадена рака за да се остави впечаток на добри домаќини.
OhridNews
