Во италијанскиот град Кането сул’Ољо , се случи инцидент кога во еден музеј, жена со нож нападнала четири лица, при што едно лице починало.
Локалните медиуми пренесоа дека починала 54-годишна жена која била вработена во музејот.
Во нападот, уште тројца се повредени, објавија италијанските медиуми.
Според првичните податоци, жената по потекло била од Полска, а сведоците велат дека во моментот на нападот таа дејствувала во бес.
Полицијата ја совладала и уапсила Полјачката, за која не се исклучува дека имала нарушено ментално здравје.
