Годишно во земјава околу 40 лица го губат животот во сообраќајни несреќи како пешаци, а дури 200 сообраќајки се предизвикани од лица кои несовесно се однесуваат во сообраќајот како пешаци. Ова денеска го истакна Министерката за внатрешни работи Гордана Јанкулоска пред почетокот на кампањатата безбедност на пешаците во сообраќајот.
Во рамки на“Неделата за безбедност на пешаците во Република Македонија“ која ќе трае до 7 април, МВР со едукативни мерки, флаери и совети ќе ја подигнува свеста кај возачите и пешаците
Превентивната активност, како што изјави Јанкулоска е наместо вообичаеното изрекување казна од 3.000 денари за непрописно поминување, да им се делат флаери на пешаците и тоа зелениот за оние кои правилно се однесуваат, а црвениот како опомена.
“Минатата година речиси една петина од вкупната бројка на жртви во сообраќајот се пешаци, а заедно со моторциклистите и велосипедистите, пешаците сочинуваат една половина од загинатите во сообраќајни несреќи, посочи министерката Јанкулоска.
OhridNews
