Како што информираат од СВР- Охрид, денес, во струшкото село Јабланица било пронајдено мртвото тело на Евдокија Кленковска, родена 1925 година. Според првичните информации, Кленковска која била пронајдена во својот дом, починала од премрзнатост.
Јабланица е едно од неколкуте села во струшко кои поради големите снежни наноси со денови се отсечени. Надлежните веќе неколку денови прават напори за пробивање на патните правци кои водат до нив.
Во организирани акции од страна на Центарот за управување со кризи и АРМ, во текот на вчерашниот ден и денес се реализираа акции по воздушен пат, со хеликоптер, да се изврши дотур на храна и лекови на жителите од овој регион.
OhridNews
