Anna Reusch првпат во Македонија – утревечер зад пултот во Rebel Ohrid
Летната програма на Rebel Ohrid продолжува со уште едно познато име од светската електронска сцена. Германската диџејка и продуцентка Anna Reusch, утревечер, 15 август, за првпат ќе настапи во Македонија.
По гостувањата на Sasha, Victor Ruiz, Marco Bailey, Christian Smith и Nakadia, охридскиот клуб го продолжува серијалот настапи на интернационални артисти, овојпат со претставничка на современиот techno/house звук со речиси две децении искуство зад себе.
Anna Reusch на меѓународната сцена е препознатлива по динамичните сетови во кои се спојуваат driving techno, rolling basslines, acid нијанси и изразен groove. Во својата кариера има изданија за влијателни етикети како Drumcode, Tronic, Arcane, Transmit Recordings и 100% Pure.
Нејзиното искуство вклучува настапи на големи фестивалски сцени како Time Warp, Love Family Park, NIBIRII и Fairground Festival, како и во познати европски клубови. Долгогодишно е поврзана со Tanzhaus West во Франкфурт, а настапувала и во Bootshaus во Келн, Ritter Butzke во Берлин, Prater Sauna, Bob Beaman и Die Rakete.
Нејзините настапи ги карактеризира внимателно градење на динамиката – од groove и постепено подигнување на тензијата, до моќен peak-time techno звук и еуфорични моменти на подиумот.
Настапот на Anna Reusch во сабота, 15 август, почнува во 23:30 часот.
Со нејзиното прво гостување во Македонија, Rebel Ohrid го продолжува интензивното музичко лето и серијата настапи на познати имиња од светската електронска сцена.
OhridNews Promo
