Со договорот за изработка и испорака на дистрибутивни трансформатори во вредност 1.780.000 евра за ,,Електродистрибуција’’ од Белград, Србија и со договорот за изработка и испорака на расклопни апарати за ,,Електропривреда на Република Србија’’ во износ од 550.000 евра, АД ,,ЕМО” Охрид ја зацрврстува својата позиција на пазарите надвор од Република Македонија.
-Со потпишувањето на овие договори се реализираат претходно преземените активности за извоз на електроопрема и се очекува во 2014 година да се реализираат и други договори за кои во моментов се водат преговори. Потпишувањето на овие договори е резултат на задржаниот квалитет на ЕМО-вите производи. Овие договори се доказ дека ЕМО е ценет на пазaрот за електропрема, стои во писменото соопштение на Зоран Филоски, Генерален Директор на АД ,,ЕМО”.
OhridNews
