Под мотото „Се грижиме за животната средина, го чуваме националното богатство, ја помагаме културата“, а повод 52 роденден на фестивалот „Охридско лето“, градежната компанија „Адора Инженеринг“ -Скопје, како главен спонзор и поддржувач на фестивалот, вечерва по завршувањето на концертот на „Перпетум Џезиле“, ќе организира акција за чистење на Античкиот театар.
Акцијата ќе биде реализирана во соработка со ЈП „Охридски Комуналец“ и фестивалот „Охридско лето“.
Целта на акцијата е да се подигне јавната свест за заштита на животната средина и значајните клултурно историски споменици, каков што е Античкиот тетар кој е најголема отворена сцена во Охрид, а воедно и еден од најпосетуваните туристички локалитети во градот, велат од „Адора“.
Чистењето ќе започне по завршувањето на концертот на словенечката музичка атракција, со што Античкиот тетар ќе биде подготвен во полн сјај веќе од утре да ги пречека новите посетители.
