Ај да си речиме уште една- ќе ја отвори новата театарска сезона во Охрид

Новата сезона охридскиот Народен театар ќе ја започне на 11- ти февруари со претставата “Ај да си речиме уште една” со која и беше заокружена изминатата сезона.

Во меѓувреме, актерите користат одмор очекувајќи информација од министерството за култура кои од предложените проекти се прифатени за тековната година, по што ќе се знае и со колку премиери охридскиот театар годинава ќе се претстави пред публиката.

Премиерната изведба на претставата  „Ај да си речиме уште една“ се одржа во декември. Режисер на претставата која е испреплетена со стари познати народни песни кои се дел од богатото културното наследство на македонскиот народ, е Андреј Цветановски.

Во претставата настапува комплетната екипа на Народниот театар од Охрид, а како специјални гости се појавуваат и изведувачи на традиционални народни инструменти од Вевчани.