Одборот за доделување на државната награда „Св.Климент Охридски“, на својата седница, одржана на 18- ти ноември донесе одлука за доделување на државната награда „Св.Климент Охридски“ во 2014 година за највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија.
Во областа на културата и уметноста наградата му се доделува на академик Цветан Грозданов, историчар на средновековната уметност.
Во областа на воспитанието и образованието наградата им се доделува на: проф.д-р Амет Шериф, историчар и проф. д-р Велимир Стојковски, биохемичар.
Наградата на добитниците ќе биде врачена на 8 декември во 12 часот, во свечената сала на Собранието на Република Македонија .
OhridNews
