Екипите на ЈП Охридски Комуналец пред големиот христијански празник Воскресение Христово-Велигден со голем број активности.
Се уредуваат пристапните улици и околниот простор од црквите. Вонредни активности се спроведуваат и за подигнување на расфрлан комунален отпад по крајбрежниот појас во туристичките места: Св.Стефан, Лагадин, Елешец, Пештани и Трпејца, информираат од претпријатието.
Дежурните служби, потенцираат од претпријатието, ангажирани се и за одржување на јавната чистота по кејот.
Извршено е чистење на каналот покрај СРЦ Билјанини Извори од расфрлан комунален отпад, извршено е уредување на детското игралиште во населба Црногорци, а спроведени се и активности за одржување на јавна чистота и јавно зеленило во с.Подмоље, Велгошти и населби Исток и Горно Коњско, додаваат.
Отстранета е велат и дивата настрешница во Стар Град која претставуваше опасност за граѓаните.
OhridNews
