СВР Охрид приведе двајца од тројцата албански државјани кои завчера ја ограбиле црквата во струшкото село Луково, а третиот ограбувач е сеуште во бегство. Според СВР Охрид ограбувачите се членови на меѓународна криминална група и според првичните сознанија, начинот на провалување бил сличен со претходните десетина кражби низ црквите во овој регион, така што постои голема веројатност оваа тричлена група да стои зад сите кражби.
-Приведените на 21 овој месец извршиле тешка кражба во црква во селото Горно Луково при што успеале да одземат три икони и други вредни црковни предмети. Непосредно по нивното излегување од црквата биле пресретнати и приведени од страна на полициските службеници. На едно од приведените лица му е изречена мерка притвор, а нашите служби сеуште трагаат по уште едно лице кое што се претпоставува дека е дел од оваа криминална група. –изјави Стефан Димоски, портпарол на СВР Охрид.
Тој нагласи дека успехот на оваа полициска акција се должи на соработката со месното население од Струшкиот регион.
Ohridnews
