Со решение на министерката за култура Елизабета Канческа- Милеска, за нов директор на Националната установа Библиотека Григор Прличев, назначена е Александра Белеска, дипломиран новинар.
Изборот на Белеска за прв човек на оваа институција доаѓа по претходно распишаниот конкурс од страна на министерството во март годинава.
Во него покрај општите услови утврдени со закон, беше наведено дека заинтересираните кандидати треба да имаат завршено високо образование од областа на општествено хуманитарните науки, со работно искуство од најмалку пет години, а од нив се бараше да достават и своја програма за работа и развој на установата, како стратегија за наредниот четиригодишен период .
Зошто назначувањето на новиот директор на охридската библиотека се случува по изминати неколку месеци од распишувањето на јавниот оглас, од министерството објаснуваат дека процедурата околу изборот била привремено стопирана поради одржувањето на вонредните парламентарни избори во јуни и формирањето на новата Влада.
