Надлежните со низа препораки поради топлотниот бран кој ја зафати Македонија и регионот и порастот на температурите на воздухот и до 36 степени целзиусови.
За време на топлотниот бран да се избегнува излегување и извршување на напорни физички активности во периодот од 10-17 часот. При неопходен престој на отворен простор, избегнувајте директна изложеност на сонце, најдете можности за почести одмори под сенка. Носете светла и лесна облека (светлите бои, во извесна мера ја одбиваат светлината) од природни такенини (памучни, ленени), ставете заштитни очила и капа.
Внесувајте големо количество на течност , почнувајќи од обичната вода за пиење, па се до минерализирани безалкохолни пијалоци. Избегнувајте алкохолни пијалоци и пијалоци кои содржат кофеин, како и екстремно студени пијалоци. Внесувајте помало количество на храна. Избегнувајте мрсна и високо-калорична храна и храна која содржи поголемо количество шеќер. Туширајте се со студена вода повеќе пати во денот (или ставете студени облоги и чувајте ги нозете во студена вода).
Хроничните болни, посебно тие со срцеви, невролошки и белодробни болести, потребно е да бидат многу дисциплинирани во однос на овие препораки и редовно да ја земаат својата терапија. За секакви промени на здравствената состојба, задолжително да го консултираат матичниот доктор, се дел од препораките за превенирање на негативните последици од топлотниот бран.
