Охридскиот Амак СП поради серија грешки на судиската двојка Златевски и Денковски кои директно влијаеле на кончениот победник бара поништување на натпреварот и негово преиигрување. Во приговорот кој пристигна до нашата редакција се вели :
„Во законски предвидениот рок го доставуваме овој ПРИГОВОР за некоректното, непрофесионалното и тенденциозно судење на судиската двојка Златевски и Денковски на натпреварот АМАК – МЗТ во одлучувачкиот натпревар од четвртфиналето на плеј-офот одигран на 30.04.2009 г. во Охрид во салата „Билјанини извори“, со што директно повлијаеа на конечниот резултат.
Погледајте ги само очигледните погрешни одлуки на штета на АМАК во третата четвртина кога Дамјан Стојановски беше фаулиран од Аврамовски, а беше досуден фаул против Амак од судијата Златевски.
Потоа погледнете добро како Гамбирожа стои со подигнати раце, а Соколов прави влез промашува, а се суди лична од Гамбирожа. Соколов оди на линијата за слободни и погодоува на два птаи.
Во самиот финиш, во последниот напад чист старт на Војдан Стојаноски, а судијата Денковски суди лична грешка и две слободни за Соколов со што и го решава конечниот победник.
Примери има уште многу , впрочем во текот на натпреварот и коментаторот на МРТ, Горан Милковски констатира ” можеби оваа одлука на Денковски ке биде на крајот кобна за Амак” што навистина се покажа така.
Бараме судиската комисија да ја прегледа снимката со посочените спорни одлучувачки моменти и да го поништи натпреварот!
Очекуваме итна реакција од ваша страна заради запазување на регуларноста на кошаркаскиот шампионат“- се вели во приговорот потпишан од преседателот на клубот Венко Шапкар.
По сите овие забелешки, на кои очигледни се направените превиди од судиската двојка и тоа сите на штета на Амак СП за очекување е комисијата да го усвои приговорот на охриѓани и натпреварот да биде преигран.
М. Постоловски
