Дводневна обука на полициските службеници од СВР Охрид што ја спроведува тим од полициски инструктори од програмата „Сина храброст”, што се реализира преку ИЦИТАП – програмата при Амбасадата на САД во РСМ, започна денеска во просториите на Регионалниот центар за гранични работи „Запад“ во Охрид.
Преку оваа програма се подигнува капацитетите на полициските службеници преку континуирана едукација и обука, притоа грижејќи се за личниот развој, здравјето и добросостојбата на полициските службеници. Од страна на инструкторите најмногу внимание се посвети на полициското работење односно на примарниот факт дека самата организација на полициското работење и нејзините припадници треба да имаат цврсто втемелени професионални и лични стандарди и вредности за интегритет, храброст и карактер. – информира портпаролот на СВР Охрид Стефан Димовски.
Целта на овие обуки е насочена кон квалитативно зголемување на подготвеноста на полициските службеници за справување со сите видови и форми на предизвици со кои тие секојдневно се соочени при извршувањето на својата должност, а со неа ќе бидат опфатени сите полициски службеници во земјата.
OhidNews
