Агенцијата за млади и спорт (АМС) обеќа по 20.000 евра награда за секој освоен златен медал на Олимпијадата во Пекинг “Среброто“ ќе ја чини АСМ 15.000, а бронзата 10.000 евра.
Шансата нашите да стигнат до медал е само теоретска. Но АСМ си го направи своето, тие го истакнаа ценовникот. Па сега повелете.
Во Пекинг на ЛОИ (8-24 август) Македонија ќе ја преставуваат осум спортисти :
Атанас Николовски (кајак на диви води, К1), Мурад Рамазанов (борење слободен стил до 60 кг.), Сашо Несторов (стрелаштво, воздушна пушка 10 м), Елена Поповска (пливање, 100 м слободно), Михајло Ристовски (пливање, 200 м пливање), Ивана Рожман (атлетика, 100 м), Реџеп Селман (атлетика, трискок).
Нашите пред стартот оптимистички најавуваат добри резултати.
Само за потсетување олимпиското мото е “важно е да се учествува“
М.Постоловски
