Натпреварот од првата ракометна лига меѓу Охрид и Ринија кој не го дочека својот крај, се води како прекинат, во 33 минута и тоа поради напад на судиската двојка. Тренерот на охриѓани Горан Андоновски смета оти жалосно е што вакви сцени се случуваат во Охрид, кој годинава се обидува да го заживее ракометот.
– Ние како домаќини не сме воопшто виновни за ова што се случи во спортската сала во Охрид. Цела недела разговаравме и со публиката и во клубот да нема груба игра и целиот натпревар беше без некој груб фаул од наша страна, дури ние ги смирувавме нивните играчи за да не ги нападнат судиите. На спортски план не можеа ништо да постигнат,имавме пет голови предност, и сигурно дека ке ја зголемивме таа предност , го увидоаа тоа и на секој друг начин сакаа да го добијат овој натпревар, вршеа притисок, на судиите ги нападнаа и на крајот го напуштија теренот. Мислам дека ова не е добро за македонскиот ракомет, РФМ мора под итно да се замисли, бидејќи ете се буди еден ракометен центар како Охрид, кој во неколку натпревари собира по 2 илјади гледачи и на ваков начин да се уништи сето тоа е жалосно. Децата тренираат се борат, и ако РФМ не казни нас како РК Охрид со обезбедена полиција , службени лица, јас лично но и клубот ќе се откажеме од понатамошното натпреварување. – рече тренерот на охриѓани Горан Андоноски , поранешен македонски репрезентативец.
М.П.
