Доколку утре се одржат парламентарни избори за ВМРО ДПМНЕ би гласале 23,3 отсто од избирачите, а СДСМ ја има поддршката од 11,4 проценти, покажале резултатите од испитувањето на јавното мислење што во декември го спроведе Институтот за политички истражувања. Анкетата била спроведена на репрезентативен примерок од 1.100 испитаници.
Лидерот на ВМРО ДПМНЕ, Никола Груевски и натаму има предност пред неговиот опозициски ривал. За Груевски позитивно мислење имале 47 проценти, а негативно 46,4 проценти од испитаниците, додека за Бранко Црвенковски позитивно мислат 28,3 проценти, а негативно 63,5 проценти.
Нема поголеми промени и во албанскиот политички кампус. Најголема доверба ужива ДУИ – 6,0 проценти, ДПА 2,5 проценти, а Нова Демократија 1,8 проценти.
И натаму висок е процентот на неопределените – 20,7 проценти, а дури 27,6 проценти се изјаснале дека нема да гласаат.
OhridNews
