Градот на “Кока Колата“ и најголемата светска телевизиска мрежа “CNN” е новиот дом на Перо Антиќ. Капитенот на македонската кошаркарска селекција, четврта во Европа во наредните две сезони ќе го носи дресот на Атланта Хоукс.
“Перо е вешт и сестран кошаркар, кој ќе ни донесе дополнителен квалитет во играта во рекетот. Сигурен сум дека одлично ќе се вклопи во тимот кој го градиме и возбуден што ќе го имаме во нашиот клуб“, рече Дени Фери, генералниот менаџер на Атланта за ангажманот на македонскиот интернационалец.
Антиќ(30) кошаркарската одисеја ја започна во најтрофејниот македонски состав “Работнички, потоа настапуваше во Аек, Црвена Звезда, Академик Софија, Локомотив Кубан, Спартак и Олимпијакос каде во последните две сезони триуфмираше во Евролигата.
Антиќ слета меѓу „јастребите“ во НБА
Фото : Трансферот на Антиќ во НБА топ тема во соседните медиуми
