Перо Антиќ кариерата ќе ја продолжи во Црвена Ѕвезда, откако спогодбено ја прекина соработката со европскиот шампион Фенербахче. Македонскиот кошаркар по цела една деценија се враќа во Белград и треба да биде темел на новиот проект кој започнува од сезонава.
Искусниот кошаркар со емотивно писмо на социјалните мрежи се збогуба со турскиот клуб со кој ја покорија Европа.
– Претходните две години се неверојатно искуство. Многу незаборавни моменти, бев дел од историскиот успех во кој ја освоивме титулата во Евролигата заедно со групата сјајни кошаркари и стручниот штаб. Неможам со зборови да ја опишам мојата бладораност за навивачите кои ме бодреа константо. Едно ќе ви кажам, фала за се` и ви посакувам се најдобро ! – стои во обраќањето на Антиќ.
OhridNews
