Три години затвор треба да одлежи Христијан Шапкар за смртта на Ирина Раоманова Муцунска. Вака одлучи Апелациониот Суд во Битола, преиначувајќи ја пресудата на основниот суд во Охрид, јави тв „Сител“.
Од таму за Сител велат дека ги ценеле олеснителните околности не прецизирајќи кои точно околности и докази ја намалуваат вината на возачот кој ја предизвика глисерската несреќа во Охрид, во август 2009та.
Судскиот процес за глисерската несреќа се одложуваше 9 пати по барање на одбраната на обвинетиот а се одржаа вкупно 15 рочишта.
Основниот суд во Охрид на 31-ви јануари го осуди обвинетиот Христијан Шапкар на казна затвор во траење од 7 години, за сторено кривично дело „тешки дела против безбедноста на луѓето и имотот во сообраќајот“, која Апелациониот суд во Битола ја намали на 3 години.
извор:„Сител“
