Атрактивни, но супер тешки противници добија македонските фудбалски надежи до 19 години во квалификациите за ЕП. Селекциите на Германија, Турција и Унгарија се последната пречка пред избраниците на Драган Бочески во пресрет на континеталниот собир наредното лето во Романија.

– Немавме среќа во ждрепката, добивме фудбалски велесили во групата 7 Германија и Турција се земји кои доста вложуваат во фудбалот, додека Унгарија е исто така далеку пред нас. Тоа сепак не значи дека однапред се предаваме, натпреварите се играат 11 против 11 па одиме во Истамбул да се надигруваме – вели Драган Бочески.

Селекцијата под 19 години ќе продолжи во исти ритам да се подготвува за престојните квалификации. Ќе продлжи континуираниот собир на репрезентативците , кои барем еднаш месечно ќе имаат мини подготовки.

– Првиот собир очекувам да го имаме во декември, потоа во март и април за кога е во план да одиграме пријателски средби – вели Бочески.

Квалификацискиот турнир се игра до 31 мај до 5 јуни во Турција. Континеталниот собир ќе се одржи во август 2011 година.

М.П.