Соња Спасеска од Охрид е добитник на главната награда автомобил „ауди А1“ од наградната игра на Вип оператор, во која со секое надополнување на при пејд сметката, корисниците автоматски беа во конкуренција за добивање награди, jaвува  „Макфакс“.

Наградната игра започна во септември годинава, во чест на одбележувањето на четвртиот роденден на Вип оператор.

Добитничката на главната награда, Спасеска изразувајќи го своето задоволство и радост по повод врачувањето на наградата изјави:

„И покрај тоа што ова е мое прво учество во наградна игра, со секое ново надополнување на сметката се надевав дека можеби ќе станам добитник на некоја награда. Кога од Вип оператор ми соопштија дека јас сум добитник на првата награда, на мојата среќа ѝ немаше крај. Целото мое семејство е во мрежата на Вип оператор и навистина сум среќна што на ваков начин е наградена нашата лојалност. И понатаму остануваме верни пријатели на Вип оператор.“
Вип оператор, покрај бројните наградни игри, најави и низа други поволни и иновативни услуги.

„Задоволството на нашите корисници е нашата највисока цел. Максимално сме посветени на исполнување на нивните очекувањата, но со ист ентузијазам работиме и на нивно надминување, постојано изненадувајќи ги со нови, поволни понуди креирани по теркот на најновите светски технолошки достигнувања во оваа индустрија. Посебно сум возбуден што денеска имам можност да му донесам радост на еден наш корисник со надеж за многу убави моменти во иднина“, рече на врачувањето на наградите Флоријан Нидерсус, Главен маректинг директор на Вип оператор.

Освен првата награда AUDI A1, им беа доделени и два вредносни ваучери од по 5.000 евра на Mетодија Игњатов од Скопје и Катерина Мишовска од Тетово. Согласно правилата на наградната игра, сите корисници кои ја надополнуваа припејд сметката со кој било износ добија бесплатни инстант награди: бесплатни СМС пораки, бесплатни минути разговори и MB за Интернет сообраќај. 54 корисници кои ја надополнија својата при пејд сметка со износ од најмалку 200 денари, во периодот на траењето на наградната игра покрај загарантираните инстант награди, добија и вредни неделни награди како HTC Sensation, LG Оptimus 7, Samsung Galaxy 2, Samsung tab 10.1, Full HD TV и Laptop Asus.

OhridNews
извор: „Макфакс“