Селекторот на младата фудбалска репрезентација на Македонија (до 21 г.), Бобан Бабунски објави список со само 18 играчи за натпреварот со Литванија на 13 ноември во Каунас (17 ч.) во квалифиикациите за ЕП 2011. Собирот е на 9 ноември во х. Белви, а ќе се тренира по еднаш дневно до заминувањето за Литванија на 11 ноември. Ова ќе биде вториот натпревар на овие две екипи, кои во Прилеп одиграа без победник – 1:1.
– Литванија е екипа за почитување. На првата средба во Прилеп пропуштивме да победиме и покрај водството. Евидентно е дека се одлично физички подготвени, а според рејтингот на УЕФА се и во улога на фаворит. За нас гостинскиот терен е бауч и ќе треба добро да се мотивираме за позитивен резултат. Повикав 18 играчи кои во овој момент оценивме дека имаат карактер да го дадат максимумот, кои се солидарни и мислат како колектив. Играчи кои ќе си помагаат на теренот и коректно се однесуваат во секоја ситуација, изјави Бабунски.
На списокот се: Наумовски, Јовановски (голмани), Лазевски, Георгиевски, Бериша, Силјановски, Урдинов, Димитровски (одбрана), Стојков, Петровиќ, Ристовски, Антонио Станков, Спировски, Муарем (среден ред), А. Ибраими, Ѓорѓиев, Петковски и Александар Станков (напад)
ohridnews
