Од локалната самоуправа информираат дека и покрај одредени потешкотии со кои се соочиле во изминатиот период околу набавката на нафта за греење во училиштата во општина Охрид, се преземаат мерки за тековно затоплување на училишните простории и спортски сали.
– За жал во изминатиов период постапката за набавка на нафта за греење, иако беше навремено почната, не се реализира затоа што немавме доволно понудувачи. Сега секторот за јавни набавки е во фаза на преговори и ќе се спроведе постапката за набавка и се надевам дека училиштата навреме ќе се снабдат со нафта, изјави градоначалникот Никола Бакрачески.
Бакрачески потенцира дека меѓу основните приоритети на локалната самоуправа е образованието во општината и создавањето на услови за непречено одвивање на наставата.
OhridNews
