Германскиот гигант Баерн Минхен им се придружи на уште неколку клубови кои по крајот на сезоната ќе одиграат серија хуманитарни натпревари за жртвите од катастрофата што се случи во Јапонија.
– Многу сме блиски со Јапонскиот фудбалски сојуз и клубовите во професионалната Џеј-Лига. Во ниеден момент не беше доведено прашањето дали ќе играме, сакаме да дадеме допринос на жртвите од катастрофата. Одлучивме да одиграме хуманитарен меч и да покажаме солидарност. Ќе настапиме без никакви финансиски побарувања, трошковите за пат ќе ги покриеме сами додека приходот од карти ќе биде наменет за жртвите од катстрофата што и се случи на Јапонија – рече претседателот на “баварците“ Карл-Хајнц Румениге.
Хуманитарниот натпревар во чест на жртвите ќе се одигра од 17 до 25 јуни, а противникот на Баерн Минхен сеуште не е познат.
ohridnews
