Од ноќеска на полноќ цената на бензините се зголемува за два денари, а на дизелот за еден денар, одлучи Регулаторната комисија за енергетика.
Согласно одлуката, цената на ЕУРОСУПЕР БС-95 ќе изнесува 93 денари, додека на ЕУРОСУПЕР БС-98 ќе биде 95 денари за литар. Цената на ЕУРОДИЗЕЛ од утре ќе изнесува 100 денари за литар.
Без промена останува цената на Екстра лесното масло за домаќинство (ЕЛ-1), која ќе изнесува 110 денари за литар. Мазутот М-1 НС поскапува за 1,300 денари за килограм и новата цена ќе изнесува 55,573 денари за килограм.
OhridNews
