Малопродажните цени на бензините ЕУРОСУПЕР БС-95 и ЕУРОСУПЕР БС-98 од полноќ се намалуваат за 5,00 денар по литар, додека цената на ЕУРОДИЗЕЛ (Д-Е V) не се менува, одлучи денеска Регулаторната комисија за енергетика.
Согласно одлуката ЕУРОСУПЕР БС-95 ќе се продава по цена од 91,00 денар за литар, а ЕУРОСУПЕР БС 98 за 93,00 денари за литар. Цената на ЕУРОДИЗЕЛ (Д-Е V) останува 99,00 ден/лит.
Екстра лесното масло за домаќинство (ЕЛ-1) поевтинува 0,50 денари и еден литар ќе чини 110,00 денари.
Мазутот М-1 НС, пак, поскапува за 0,694 денари и еден килограм ќе се продава за 54,273 денари.
OhridNews
